«Дұрыс тамақтану» тақырыбында семинар-тренинг өткізді.

№2 облыстық перинаталдық орталығының қызметкерлері Ж.Баласағұн атындағы №6 жалпы орта білім беру мектебінің оқушыларымен «Дұрыс тамақтану» тақырыбында семинар-тренинг өткізді. Іс-шараның негізгі мақсаты – оқушылардың салауатты өмір салтына деген көзқарасын қалыптастыру, дұрыс әрі пайдалы тамақтанудың маңыздылығын түсіндіру болды.

Семинар барысында медициналық мамандар оқушыларға теңгерімді тамақтанудың ережелері, түрлі дәрумендер мен минералдардың ағзаға әсері, фастфуд пен газдалған сусындардың зияны туралы жан-жақты ақпарат берді. Сондай-ақ, практикалық бөлімде балалармен бірге пайдалы тағамдар үлгісі қарастырылып, интерактивті ойындар мен сұрақ-жауап сессиялары ұйымдастырылды.

Оқушылар семинарға белсенді қатысып, өздерін қызықтырған сұрақтарға жауап алды. Іс-шара соңында барлық қатысушыларға ақпараттық жадынамалар таратылып, салауатты өмір сүрудің маңыздылығы тағы бір мәрте атап өтілді.

Мұндай кездесулер жастардың денсаулығын нығайтуға және болашақта дұрыс өмір сүру дағдыларын қалыптастыруға үлкен үлес қосады.

https://www.facebook.com/100040617271388/videos/pcb.1429761548387741/1186618053055355